Appuyer sur "Entrée" pour passer au contenu

Toekarena – Mitaky fihaonana amin’ny fanjakana ireo mpandraharaha

Book News 0

Nampiaka-peo ny sehatra tsy miankina mba hampiharan’ny fanjakana ny fepetra hiteraka fiaingana ara-toekarena.

Mitaraina ireo mpandraharaha

Misintona ny sain’ny mpitondra manoloana ny olana ara-toekarena diavin’ny Firenena ankehitriny ny vondron’ny mpandraharaha Malagasy. Miantso ny mpitondra araka izany izy ireo mba hihaona sy hiara-hidinika amin’ny sehatra tsy miankina mba hamahana haingana ny olana ara-toekarena misy ankehitriny. Naneho ny fahadisoam-panantenany koa izy ireo manoloana ny tsy fisokafana araka ny tokony ho izy ny lanitry Madagasikara ny 5 Martsa 2022.

« Mbola zotra an’habakabaka roa ihany no misokatra hatramin’ny faran’ny taona 2021 »,

araka ny nambaran’izy ireo.

Takian’izy ireo araka izany ny fisokafan’ireo kaompaniam-pitaterana hafa. Naneho ny heviny momba ny fitantanana misy eto amin’ny Firenena ihany koa ny sehatra tsy miankina. Notsindrin’izy ireo ny mahakasika ny fepetra « tsy araka ny tokony ho izy » napetraky ny Fitondram-panjakana izay manakana ny fiverenan’ny kaompaniam-pitaterana an’abakabaka eto amintsika, taorian’ireny fihibohana sy kirizy manoloana ny valan’aretina Covid-19 ireny.

Mametraka fanontaniana araka izany ireto mpandraharaha ireto hoe « ny fanaingana ara’toekarena tokoa ve no laharaham-pahamehana ho an’ny mpitondra fanjakana sa zavatra hafa ? »

Naneho ny ahiahiny amin’ny mety ho fisian’ny fotoana maty na ny « saison morte » indray ireo mpisehatra amin’ny fizahantany raha toa ka tsy misy fivoarana izao toe-draharaha izao. Nilaza ny filohan’ny FHORM (Féderation des hoteliers et des restaurations de Madagascar), Johan Pless fa « zava-doza ho an’ny mpisehatra eo anivon’ny fizahan-tany izao zava-misy izao. Nilaza ny fanafoanana ny famandrihantoerana kosa indray ny avy ao amin’ny « Tour opérateur ».

Ankoatra ny sehatry ny fizahantany dia « misy fiantraikany amin’ny sehatra hafa ny tsy fahatanterahan’ny fisokafan’ny habakabaka ny 5 Martsa 2022 teo », araka ny nambaran’ny vondron’ny mpandraharaha.

Nilaza Hery Lanto Rakotoarisoa, filohan’ny GEFP fa « very tsena manodidina ny 600 tapitrisa dolara i Madagasikara. Tsena ao anatin’ny AGOA izay tokony ho azontsika nohon’ny sazy mahazo an’i Ethiopie amin’izao ».

« Takiana ny fihaonana maika eo amin’ny mpitondra fanjakana sy ny mpandraharaha mba ahafahana mamaha ny olana ara-toekarena »,

hoy ny filohan’ny GEM (Groupements des entreprise de Madagascar), Thierry Rajaona.

Ankoatra izay dia namatsiahy ny filohan’ny CTM (Confédération du tourisme de Madagascar), Aina Raveloson, fa « mamaritra ny 60% ny PIB izahay. Takiana aingana araka izany ny fanomezan-dalana ho an’ireo kaompaniam-pitaterana ara-barotra ».

Toria Dimbiniaina

Laisser un commentaire

Votre adresse e-mail ne sera pas publiée.

On The Online Website asian sexdollcheap love dollsmall sex doll porncheap sex dolllife like sex dollsasian fuck dollreal doll sex toy.
On The Online Website sex dolllove sex dollrealistic sex dollcheap love dollsmall sex doll porn.