Appuyer sur "Entrée" pour passer au contenu

Eo Amparibe, mihatery ny làlana, sahirana ny fiara sy ny mpandeha an-tongotra

Book News 0

Last updated on janvier 4, 2018

« Sady efa manamboatra izy ireo, no mbola manakan-dàlana. Ny olona mandeha eny afovoan-dàlana. Tsara ilay làlan’ny mpandeha an-tongotra vaovao, fa ilaina ihany koa ny fandinihana satria lasa tery ilay làlana, nefa, hatreto, dia mbola làlana azo ifanenana tsara ity làlana ity », hoy ny mpaka mpianatra iray ao amin’ny sekoly Saint-Michel.

Telo volana teo ho eo izao no nanomboka ny fanamboarana ny tranobe iray mifanila amin’ny arabe miditra any Amparibe raha avy eo amin’ny « tunnel » Ambohijatovo. Tamin’ny voalohany, ny trano no namboarina. Ankehitriny, ny làlan’ny mpandeha an-tongotra na « trottoir » kosa no nitarin’ireo tompon’ilay tranobe. Ny olana anefa: mihatery ny làlana satria nohitarina ny làlana ho an’ny mpandeha an-tongotra.

Amparibe, mihatery ny làlana
Amparibe, mihatery ny làlana Cc: Book News

Lasa voatery mifandimby ireo fiara mifamezivezy. Hany ka miteraka fitohanana be ho an’ireo olona mifamezivezy amin’iny Amparibe iny ny fanamboarana sy ny fanitarana ny làlan’ny mpandeha an-tongotra, indrindra rehefa amin’ny hariva amin’ny ora firavan’ny mpiasa.

A. A.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

%d blogueurs aiment cette page :